Har du to minutt til å svare på ei kjapp brukarundersøking om Folkepedia? Det tek berre eit par minutt og vi sett stor pris på alle svar. Du finn brukarundersøkinga her.
Lær deg folkedans og folkemusikk med Folkepedia
Folkepedia er eit prosjekt med barn og unge frå heile landet der Noregs Ungdomslag lagar opplæringsfilmar innanfor folkedans og folkemusikk. Sidan 2016 har vi laga meir enn 100 dansefilmar innan sjangrane songleik/songdans, bygdedans, runddans og turdans, og fleire skal det bli. Filmane er gratis tilgjengeleg for alle å bruke til t.d. undervisning, opplæring, research eller inspirasjon. Vi håpar du likar filmane og at du kanskje prøver deg på ein av dansane. Gi oss gjerne attendemelding eller kontakt oss om du lurer på noko knytt til dansane eller musikken.
Les meir om Folkepedia her.
På denne sida finn du alle filmane Folkepedia har produsert, i kronologisk rekkefølge der dei nyaste ligg øvst. Nokre av dansane er tilpasse eller forenkla for å passe betre til dei yngste aldersgruppene. Bruk gjerne menyen til venstre for å finne dansar etter tema eller bruk søkefeltet oppe til høgre på sida. God dans!
Sjå dei sju nye Folkepediafilmane av dansar frå Innlandet med Landslina for folkemusikk og folkedans på Vinstra vgs.
Springleik frå Lom
Vårdalshusk
Kørsdans frå Grue FINNSKOG
sulla-lulla lite barn
springar frå sykkylven
Søte, lille Mette
til seters
Grautmarsj
portrett Sigrid Skjølsvik
kattå satt ponn omna og spann
springar
treklappdans
Hattespark og Gofakast
Hattespark er eit kjend element frå halling, men dette sparket har eksistert lenge før hattesparkinga kom til. Sparket er nemleg eigentleg eit rundkast.
springar (utan rettleiing)
Springar er bygd på improvisasjon og innanfor denne dansen vil det seia at du som dansar vel sjølv kor mange gongar og kor tid du skal gjera eit motiv.
Seksmannsril
Dette er ein seksmannsril der vi dansar tre par saman, tilsaman seks personar.
småfuglane i skogen
Ja, kva er det eigentleg småfuglane syng om kvar dag? Dansegruppa i Fjelli Ungdomslag har svaret.
Vil ikkje du
Du kjenner kanskje til den svenske songdansen Kulldansen? Her kjem ein dialekversjon frå Romsdalen.
Barnereinlender
Dette er ei fin øving for reinlendertakt. Her får du tips om mange ulike motiv som kan settast saman. Øvinga kan gjerast på linje, i ring eller i ein hoppbakke i Molde.
Krabbelur
Du kan sjeldan vere så lur som ein krabbelur. Særleg dei frå Fræna i Romsdalen har rykte på seg for å utmerke seg. Krabbelur er elles ein firkanta dans med masse snurring.
LILLE AND
Ein songleik med anderørsler. Du kan synge den både sakte som ein brunost ... og mega mega fort!
Ein bonde i vår by
Ein songleik der vi går i ring medan bonden i midten tek ei kone som så tek eit barn som så tek ein hund som så tek ei katt som tek ei mus og som så tek ein ost.
nordlandspols + stivheks
I denne filmen får me sjå ungdomar frå Bodø dansa Nordlandspols og visa oss tre motiv frå polsen som kan brukast i stiv heks. I tillegg lovar me nydeleg natur og junisol.
HALLINGTERNING
Hallingterning er ein leiken måte å læra seg motiv eller rørsler i ein dans på. I denne filmen har me valt ut 6 rørsler henta frå halling.
skotsk ril (rekkeril)
Denne rilen har mange namn. Nokon kallar den skotsk ril, andre Virginia ril eller bananskrellaren. Uansett, artig er den!
parhalling
Mange har nok høyrt om dansen halling, men visste du at du óg kan dansa halling to og to? Dette kallar me for parhalling, ein dans som liknar på dansar som gangar og bonde. Fellestrekket med desse dansane er at du kan gå-dansa dei sidan musikken er i totakt og at det finst ein del like motiv.
DET STÅR EIN FRIAR UTI GARDEN
Det står ein friar uti garden er ein songdans. Her kan du dela ringen inn i 1-arar og 2-arar, eller etter kjønn om ein føretrekk det.
Fingerpolka frå Ljørdalen
Springdans frå Nordsinni
SKOMAKARDRENGEN
Killebukk og dans
Trollgubben lurvelegg
Nordmørspols
Vi skal danse over berg og bakka
Kruking
Kruking er eit veldig gamalt dansemotiv. Det har mange namn som spøting, hæling, danse på tjukkleggom, danse på haraleggen, danse halling og kruking.
Hallingspringar
Hallingspringaren er den regionale varianten av springar i Hallingdal, som igjen har lokale variantar og individuelle variasjonar.
portrett arne og asbjørg sølvberg
gamalt (springar)
Gamalt er den eldste springaren i Nordfjord, some kallar den og for gamal-springaren.
jig circle/1-2-3 dansen
Jig circle kjem opphavleg frå Skottland, men vert brukt mykje her i landet og.
Tremannsril Aure
Dette er ein tretur i reinlendertakt. Rilen har tre ulike motiv, så her er det berre å spring spring gå spring spring gå hopp hopp hopp hopp.
Kila kila bukk
Ein songdans med geitelokk. Så ikkje bli overraska over om Rosa, Dokka, Nykla, Sokka, Storspenna, Spjantil, Fager leik dukkar opp på øving.
Tyven tyven
"Tyven" skal prøve å finne seg ein ny ven, og stjel seg difor ein. Og alt dette medan du sto og sov, eller kvilte du kanskje berre?
SUNNMØRSREINLENDER
Treng du oppfrisking av hoppsteg i reinlender? Denne filmen viser Sunnmørsreinlender og går igjennom både dei som går rett fram, og dei med rundsnu.
Herr smett
Ein songleik om Herr Smett som har forlova seg. Med kva seier songen dessverre ikkje noko om. Kan dansas i ring, eller to og to.
per sjuspring (songleik)
Per sjuspring er ein songleik. Her viser me korleis du kan bruka den i klasserommet!
STREKKBUKSEPOLKA
Her kjem ein polka som du kan strekkja deg etter! Denne dansen er kjend under mange namn, av dei mest vanlege er nok strekkbuksepolka, lettisk polka (lettispolka) eller berre polka! .
valsestolleiken
Dette er ein variant av den kanskje meir kjende musestolleiken. Her brukar me valserytmen som utgangspunkt for stolleik.
DOBBEL REINLENDER
Reinlender er ein velkjend dans for mange. I dobbel reinlender dansar me fire og fire saman, det går óg an å dansa tre og tre. Dette er ein fin måte å dansa reinlender på i starten sidan ei slepp å dansa rundsnu rundt.
tannfeens hevn (song)
Her kjem ein song om tenner, tannfeen og pengar!
har vel du sett (SONGLEIK)
Har du høyrt om ein syklande, elegant elefant?Om du ikkje har det så passar det bra med denne songleiken!
Pirresnutt Folkepedia
Pirresnutt er det norske ordet for teaser. Her er pirresnutten for Folkepedia!
SPRINGAR FRÅ NORDRE SUNNMØRE
Springar høyrer til den eldste dansefamilien her i landet, bygdedansen. I same familie finn du td. halling, pols, gangar og parhalling.
Langedans frå VALDRES
Stekte harra, gjødde svin
PORTRETT OLINE LØVLID
Når du bli’
Eg ser på deg
Rakkelvisa/Lykjyln´fær fjøsa
Stigelin
Nakkesprett og Hovudstift
I både nakkesprett og hovudstift skal du ha strake bein og knekk i hofta. Det er eigentleg når du har kome så langt over at du nesten bikkar at du skal slå til.
Springar med to fylgje
Springar høyrer til danseslekta bygdedans, og er av dei eldste pardansane i ladet. Her er ein variant der tre dansar saman.
portrett martin og gunnlaug lien myhr
Cowboyril
Cowboyril er ein dans som blir brukt mykje. Du kan danse med og utan byte i ringen.
Lev vel
Ein fin song for for å avslutte stunde ein har vore ilag.
det var ein gong ein...
Det var ein gong ein liten gut handlar om ein liten gut som skal gjeta sauer og som møter på ein rev.
Katta rodd
Veit du om attersteg? Det er to steg til venstre, og eit til høgre. Og hugs å bøye knea. Her lærer du òg om kva den femte foten til katta er.
Pisi og fuglen
Songdansen om ei slu (eller kanskje snill?) katt som tilbyr fuglen å varme nebbet sitt. Her lærer du og om brigde, og kva det gjer med dansen.
Ein elefant kom marsjerande
Så klart ein må vere fleire når ein marsjerer på edderkoppen sitt fine spinn! Særleg når vegen er så sjarmerande.
Storbytar (bytereinlender)
I dette døme på ein bytereinlender byter du partnar kvar gong du dansar framover. Eit tips er å sjå filmen med Sunnmørsreinlender først.
stjernepolka
I denne forenkla utgåva av stjernepolkaen går me på rekkjer, dansar fritt med galoppsteg og leikar ninja!
TRETUR FRÅ HORNINDAL
Denne dansen er fin når ein skal læra seg å gå i åttetal! I tillegg er dansen enkel i forma noko som gjer den lett tilgjengeleg for dei fleste.
valsesisten
Her får du oppfylt draumen din om å vera både elefant og sommarfugl i valsesisten!
HALLINGMOTIV
Halling, eller laus, er ein av dei mest kjende tradisjonsdansane i landet. I denne filmen viser dansarar frå Oslo nokre motiv som ein kan gjera i halling.
Du e henta (koreografi)
Du e henta er ein koreografi som passar til ulike målgrupper laga med inspirasjon frå ulike dansar. Musikken og koreografinamnet har me lånt frå Hekla Stålstrenga.
RIL
Noreg har mange riltradisjonar. I denne filmen viser me grunnform i ril, måtar du kan improvisera i ril på og korleis du kan læra deg å gå i kjede.
IRSK POLKA
Irsk polka er ein dans i sirkel. Om du ikkje har dansa som ein vindaugsviskar med kompisen din endå så får du sjansen i denne dansen!
Gilleråsen
Gilleråsen er ein dans frå Gjemnes på Nordmøre. Når du dansar den så ser det ut som ei bølgje!
den gjerrige mannen (song)
Ein song om ein veldig gjerrig mann.
RØRSLELOTTO
Lotto er det spelet der det er om å gjera å få to like av noko. Her gjer me det same med rørsler henta frå halling. Du kan sjølvsagt velja rørsler frå andre dansar om du vil. Ei fin øving for å laga, repetera og kjenna att rørsler.